खिशात पैसा नाय, स्वत:चं घर नाय, दवाखान्यात राहतो, तरीही जांभा कसा झाला नगरसेवक? प्रेरणादायी स्टोरी

यवतमाळ: राज्यातील नगर परिषद आणि नगर पंचायतींच्या निवडणुकांचा निकाल जवळपास स्पष्ट झाला आहे. भाजप हा राज्यातील सगळ्यात मोठा पक्ष ठरला आहे. विजयी उमेदवार सगळीकडे गुलाल उधळत जल्लोष करत आहेत. दुसरीकडे, लाखो रुपये खर्च करून निवडणूक लढणाऱ्या अनेक बड्या नेत्यांना पराभवाचा धक्का बसला आहे. पण यवतमाळच्या नेर येथील एका उमेदवाराने कोणतंही राजकीय पाठबळ नसताना, लोक वर्गणीतून मिळणाऱ्या पैशातून विजय खेचून आणला आहे. शिवसेना शिंदे गटाचे माजी मंत्री संजय राठोड यांच्या बालेकिल्ल्यात हा विजय संपादन केला आहे.