ज्या रानात घाम गाळला; त्याच रानात रक्त वाहिलं, सांगलीच्या आजोबांना नेमकं काय झालं?

सांगली: कोणाच्या आयुष्यात कुठला दिवस काय म्हणून उजाडेल सांगता येत नाही. जग कितीही पुढं गेलं तरीही काही प्रसंगांपुढे कोणाचंच काही चालत नाही. बऱ्याचदा कष्टाचं फळ सुद्धा सुखाने चाखता येत नाही. अशीच एक दुर्दैवी घटना सांगलीच्या जत तालुक्यात गुरुवारी सायंकाळी साडेपाचच्या सुमारास घडली. जतच्या रावळगुंडवाडी इथं एका घटनेत ट्रॅक्टरच्या चाकाखाली सापडून एका वृद्ध शेतकऱ्याचा मृत्यू झाला. रुद्राप्पा शंकर लांडगे असे या 75 वर्षीय शेतकऱ्याचे नाव असून त्यांच्या जाण्याने संपूर्ण परिसर हळहळला.