शरद पवार गटाच्या बैठकीत तुफान राडा, नेते एकमेकांवर गेले धावून, जळगावमधील घटना

बैठकीत झालेल्या गोंधळानंतर इतर पदाधिकाऱ्यांनी हस्तक्षेप करून तडवी यांना समजावले आणि वातावरण शांत केले होते. मात्र, आगामी स्थानिक स्वराज्य निवडणुकीच्या पार्श्वभूमीवर या नाराजीमुळे पक्षातील गटबाजी पुन्हा एकदा प्रकर्षाने समोर आल्याचे दिसून आले.

2022 साली मला राष्ट्रवादीचं जिल्हाध्यक्षपद मिळालं.त्यानंतर दीड वर्षांनी चंद्रकांत बालेला याने आमचा प्रदेशाध्यक्षांना हाताशी धरून माझं जिल्हाध्यक्षपद काढून घेतलं आणि त्याच्या कार्यकर्त्याला म्हणजेच नादाना पावराला दिलं. यात माझी कुठलीही चूक नसताना, कुठल्याही तक्रारी नसताना आणि कुणाचाही आक्षेप नसताना माझं पद परस्पर काढलं. 2023 ला हा प्रकार घडला होता.त्यानंतर दोन वर्ष मी शांत बसलो. कारण मला प्रदेशाध्यक्षांनी माझं पद पुन्हा मिळवून देण्याचा शब्द दिला होता.पण दोन वर्षात त्यांनी दिला नाही. आता त्या अध्यक्षपदाचा राजीनामा घेतल्यानंतर तुम्हाला पद देऊ,असे इब्राहीम तडवी यांनी सांगितले.

आता ते म्हणतात त्यांचा राजीनामा घ्या आणि माझ्याकडे पाठवा.आता माझा राजीनामा घेतला होता का तुम्ही? मग हा कुठला प्रकार आहे.त्यामुळे बोगस कार्यकर्ते आल्यानंतर पक्षाची वाताहत होत आहे.आणि म्हणून मला आज आवाज उठवाला लागला,असे इब्राहीम तडवी यांनी म्हटले.