काल काकांसोबत दोन तास चर्चा अन् दादांनी आज आव्हाडांचा गेम केला!

ठाणे :  मुंबईतील वाय. बी. चव्हाण सेंटरमध्ये राज्याचे उपमुख्यमंत्री अजित पवार यांनी राष्ट्रवादी काँग्रेस शरदचंद्र पवार पक्षाचे राष्ट्रीय अध्यक्ष शरद पवार यांची भेट घेतल्याने राजकीय वर्तुळात जोरदार चर्चा सुरू झाली आहे. या दोघांमध्ये बंद दाराआड जवळपास एक तास चर्चा झाली असून आगामी स्थानिक स्वराज्य संस्थांच्या निवडणुकीच्या पार्श्वभूमीवर या भेटीमुळे राजकीय वर्तुळात मोठी खळबळ उडाली. या भेटीनंतर २४ तासाच्या आत शरद पवारांच्या राष्ट्रवादीला मोठा धक्का बसला असून  ठाणे जिल्हा अध्यक्ष माजी नगरसेवक सुहास देसाई यांनी पक्षाला रामराम करत अजित पवारांच्या पक्षात प्रवेश केला आहे.