कचरापेटीतलं अन्न खाल्लं, तर कधी उपाशी पोटी झोपली, आज इंडस्ट्रीत राज्य करतेय 'लाफ्टर क्वीन'

भारती सिंह कॉमेडीच्या दुनियेतील एक प्रसिद्ध नाव. तिला लोक ‘लाफ्टर क्वीन’ म्हणून ओळखतात. विनोदाचं टायमिंग, हावभाव आणि पंच लाईनसाठी ती ओळखली जाते. पण पडद्यावर सतत हसणाऱ्या भारती सिंहचं वैयक्तिक आयुष्य पात्र प्रचंड वेदनादायी होतं.

भारती लहान असतानाच तिच्या वडिलांचं निधन झालं. त्यामुळे घराची जबाबदारी तिच्या आईवर आली. त्यावेळी छोट्या भारतीला घेऊन तिची आई घरोघरी भांडी घासत फिरायची.

‘लाफ्टर क्वीन’ अनेक मुलाखतींमध्ये आपल्या बालपणाबद्दल आणि आईच्या संघर्षांबद्दल सांगत असते की दोन वेळचं जेवण मिळावं यासाठी तिच्या आईला रात्रंदिवस मेहनत करावी लागायची. इतक्या प्रयत्नांनंतरही कधी कधी त्यांना उपाशी झोपावं लागायचं, तर कधी कचरापेतीतलं अन्न उचलून खावं लागायचं.

भारती सिंहने आपल्या करिअरची सुरुवात ‘द ग्रेट इंडियन लॉफ्टर चॅलेंज’ या शोमधून केली होती. तिच्या कॉमेडीने प्रेक्षकांना भरपूर हसवलं. या शोमध्ये तिने साकारलेलं ‘लल्ली’ हे पात्र चांगलच गाजलं. त्यानंतर ती ‘कॉमेडी सर्कस’ या शोमध्ये झळकली. हा शोही खूपच लोकप्रिय झाला होता. याच शोमध्ये तिची ओळख हर्ष लिम्बाचियाशी झाली. भारती जिथे परफॉर्मर होती, तिथे हर्ष या शोचा रायटर होता.

‘कॉमेडी सर्कस’दरम्यान भक्ती आणि हर्ष यांच्या मैत्रीचं रुपांतर प्रेमात झालं. 11 वर्षांच्या रिलेशननंतर अखेर 2017 मध्ये ते लग्नबंधनात अडकले.

भारती सिंह सध्या सोशल मीडियावर चांगलीच सक्रीय आहे. तिचं स्वत:चं युट्यूब चॅनलदेखील आहे. या चॅनलच्या माध्यमातून आपल्या आयुष्यासंबंधित व्हिडीओ ती चाहत्यांसोबत शेअर करत असते.

भारती सिंह आज 30 कोटी रुपयांच्या संपत्तीची मालकीण आहे. देशातील सर्वात श्रीमंत विनोदवीरांत भारतीचा समावेश आहे. मुंबईत सहा कोटी रुपयांच्या आलिशान घरात ती राहते. तसेच तिच्याकडे अनेक महागड्या गाड्यांचा ताफा आहे.