आधी वाल्मीकचे फोटो, मग धनुभाऊंचं भाषण, नंतर पंकजा मुंडे म्हणाल्या, "गुंड पाळू नका", नेमका रोख कुणाकडे?

भाजप नेत्या पंकजा मुंडे यांचा दसरा मेळावा नुकताच सावरगाव घाट इथं पार पडला. या दसरा मेळाव्यात पंकजा मुंडे काय बोलणार याकडे सर्वांचं लक्ष लागलं होतं. या कार्यक्रमाला पंकजा मुंडे यांचे बंधू आणि अजित पवार गटाचे आमदार धनंजय मुंडे देखील उपस्थित होते. पंकजा मुंडेंच्या आधी धनंजय मुंडेंनी देखील भाषण केलं. आपल्यावर खोटे आरोप करण्यात आले, असं धनंजय मुंडेंनी भाषणात सांगितलं. यानंतर अवघ्या दहा मिनिटांत पंकजा मुंडेंनी गुंड पाळू नका, असं आवाहन केलं आहे. यानंतर आता त्यांच्या बोलण्याचा रोख नेमका कुणाकडे? असा प्रश्न उपस्थित होत आहे.