नातवासाठी आनंदाने गिफ्ट घेतलं, वाढदिवसासाठी निघाले पण भेटण्याची इच्छा अपूर्णच राहिली; ट्रकच्या धडकेत आजीचा करुण अंत

"नातवाचा वाढदिवस आहे मन भरुन त्याला भेटायचं त्याच्यासोबत खेळायचं" अशाच काहीशा आनंदी गप्पा मारत सोनार दाम्पत्य घराबाहेर पडलं होतं. हातात नातवासाठी घेतलेली भेटवस्तू आणि मनात त्याच्याशी खेळण्याची ओढ होती. पण, श्रीरामपूर येथील नेवासे रोडवरील ओव्हरब्रिजवर काळाने झडप घातली. पाठीमागून आलेल्या एका भरधाव ट्रकने दुचाकीला चिरडले आणि एका आजीची आपल्या लाडक्या नातवाला पाहण्याची इच्छा अपूर्णच राहिली.