11 वीमध्ये शिकणाऱ्या आदितीची कमाल, गॅस सिलेंडरच्या मदतीने बनवला हिटर, शुन्य येतंय वीजबिल

संगमेश्वर कॉलेजमध्ये 11 वी सायन्समध्ये शिक्षण घेत असलेल्या आदिती पाटील या तरुणीने अनोखा हीटर बनवला आहे. घरगुती गॅसला एक लहानसा कॉपरचा पाईप लावून हा हीटर बनवला आहे. गरम पाणी करण्यासाठी गॅसचा गिझर वापरत असताना दुसरा सिलेंडर वापरावा लागतो.

आदितीने हा हीटर फक्त कॉपर पाईपच्या मदतीने दोन दिवसांत बनवला आहे. चांगल्या गुणवत्तेची कॉपर पाईप वापरून हा हीटर बनवल्यास पैशाची बचत होणार आहे. आदितीने बनवलेला हा प्रयोग येणाऱ्या काळात नक्कीच फायदेशीर ठरेल. लोकांनी जास्त खर्च न करता कमी किमतीत जास्त काळ टिकणारा हा हीटर बनवून घ्यावा, असा सल्ला आदिती पाटील यांनी दिला आहे. तसेच हीटरचा वापर केल्यास हीटरवर होणारा खर्च आणि बिघाड झाल्यावर दुरुस्तीवर होणारा खर्च वाचणार हे मात्र नक्की.