Solapur Flood : एका महिन्यावर लेकीचं लग्न, आता पुरात बस्ता गेला वाहून, शेतकरी आईचे डोळे पाणावले!

सोलापूर : सोलापूर शहरापासून 25 किलोमीटर अंतरावर सीना नदीलागत तिऱ्हे गाव आहे. या गावाला महापुराचा जबरदस्त फटका बसला आहे. नदीला चिटकून सर्वच घरात पाणी शिरल्याने ग्रामस्थांची दैना उडाली होती. पाण्याची पातळी कमी झाल्यानंतर स्थलांतरित झालेले नागरिक घरी परत येत आहेत. परंतु या तिऱ्हे गावात राहणाऱ्या हेळवे परिवारावर दुःखाचा डोंगर कोसळला आहे. पुढच्या महिन्यात 30 ऑक्टोबरला कोमल हेळवे या तरुणीचा विवाह होता. यासाठी हेळवे परिवारांनी लग्नाचा बस्ता आणला होता. परंतु नदीला महापूर आल्याने लग्नाचा बस्ता पाण्यात वाहून गेला आहे.