सोलापूरकरांसाठी महत्त्वाची बातमी, एका वर्षासाठी बंद राहणार हा रस्ता, पर्यायी मार्ग कोणते?

सोलापूर शहरातील भैय्या चौकात असलेला उड्डाणपूल रेल्वे मार्गाबरोबरच मंगळवेढा, पंढरपूर आणि कोल्हापूरसह अन्य शहरांना देखील जोडणारा पूल आहे. पूल पाडण्याच्या कालावधीत मंगळवेढा रोडकडून, हैदराबाद, तुळजापूर, विजयपूर-पुणे रोडकडे जाणाऱ्या वाहनांना विजापूर रोड ते केगाव बायपासचा वापर जड वाहतुकींसाठी करावा लागणार आहे. तसेच मंगळवेढाकडून येणाऱ्या जड वाहतुकीसाठी नवीन केगाव बायपास रोडचा वापर करण्याचे आदेश काढण्यात आले आहेत. तर वाहतूक पोलिसांचे शेटे नगर पूल, नागोबा मंदिर या ठिकाणी विशेष पॉईंटचे नियोजन करण्यात आल्याची माहिती वाहतूक शाखेचे सहाय्यक पोलीस आयुक्त सुधीर खिरडकर यांनी दिली.