सोलापुरातील नामांकित शाळेत धक्कादायक प्रकार, दहावीच्या विद्यार्थिनीचा 56 वर्षांच्या शिक्षकाकडून विनयभंग

Solapur Crime News : गेल्या काही दिवसांपासून राज्यातील महिला अत्याचाराच्या घटना वाढत असताना आता सोलापूरातून धक्कादायक घटना समोर आली आहे. सोलापूर शहरातील एका नामांकित खासगी शाळेत दहावीत शिकणाऱ्या विद्यार्थिनीचा 56 वर्षीय शिक्षकाने विनयभंग केल्याची धक्कादायक घटना समोर आली आहे. हा प्रकार 19 एप्रिल ते 3 जुलै या कालावधीत शाळेच्या पार्किंगमध्ये घडल्याचं पोलिसांनी सांगितलं. पोलिसांकडून मिळालेल्या माहितीनुसार, विनयभंग करणाऱ्या शिक्षकाने विद्यार्थिनीला धमकी दिली होती, त्यामुळे तिने सुरुवातीला कोणाकडंही तक्रार केली नाही. याचाच फायदा घेत आरोपी तरुणीला वारंवार त्रास देत होता.