HSRP नंबर प्लेट बसवलेले नाही, परिवहन विभागाचा मोठा निर्णय, होऊ शकते ही कारवाई

केंद्रीय मोटार वाहन नियम 1989 च्या नियम 50 नुसार वाहनांस एचएसआरपी बसविण्याची तरतूद केली आहे. दिनांक 01 एप्रिल 2019 पूर्वी नोंदणी झालेल्या सर्व नवीन वाहनांना हे नंबर प्लेट बसवणे आवश्यक आहे. उच्च सुरक्षा नंबर प्लेट नसल्यास संबंधित वाहन मालकांना आरटीओ कार्यालयात काम करताना अडचणींचा सामना करावा लागणार आहे. योग्यता प्रमाणपत्र नूतणीकरण, परवानाविषयक कामकाज व खासगी संवर्गातील वाहनांचे नोंदणी प्रमाणपत्र, नोंदणी प्रमाणपत्र जारी करणे, नूतनीकरण कामकाज वगळून वाहन हस्तांतरण, वाहनांमध्ये बदल करणे, ही कामे एचएसआरपी बसविल्याशिवाय केली जाणार नाहीत. त्यामुळे सध्या जुने वाहन खरेदी किंवा विक्री करणे कठीण झाले आहे.

सोलापूरच्या परिवहन विभागांतर्गत 1 एप्रिल 2019 पूर्वीची सुमारे 9 लाख वाहने आहेत. यातील फक्त 72 हजार 543 या जुन्या वाहनांनीच एचएसआरपी नंबरप्लेट बसवण्यात आली आहे. अन्य वाहनांनी नंबर प्लेट बसवला नाही. प्रत्येक जुन्या वाहनांना एचएसआरपी बसवणे आवश्यक आहे.

शासनाने 15 ऑगस्ट 2025 पर्यंत एचएसआरपी बसविण्याची मुदत वाढवून देण्यात आली आहे. ही शेवटची संधी असून लवकरात लवकर वाहन मालकांनी गाड्यांना एचएसआरपी नंबर प्लेट बसवून घ्यावी. अन्यथा वाहनांवर दंडात्मक कारवाई करण्यात येणार असल्याची माहिती सहाय्यक प्रादेशिक परिवहन अधिकारी आसिफ मुलाणी यांनी दिली.