घरातून कुऱ्हाड आणली अन् थेट डोक्यात घातली, सोलापूरात शेजाऱ्यांचं तरुणासोबत भयंकर कृत्य

प्रीतम पंडित, प्रतिनिधी सोलापूर: सोलापूरातील विजापूर नाका पोलीस ठाण्याच्या हद्दीत एक धक्कादायक घटना उघडकीस आली आहे. इथं दोन जणांनी एका तरुणाची निर्घृण हत्या केली आहे. आरोपींनी धारदार कुऱ्हाडीने वार करत तरुणाचा जीव घेतला आहे. दारू पिण्यासाठी पैसे न दिल्याच्या कारणातून ही हत्या झाल्याची माहिती समोर आली आहे. या प्रकरणी विजापूर नाका पोलीस ठाण्यात गुन्हा दाखल केला असून दोन्ही आरोपींचा शोध सुरू आहे. शुक्रवारी (१७ ऑक्टोबर) रात्री ११ वाजण्याच्या सुमारास घडलेल्या या घटनेमुळे परिसरात मोठी खळबळ उडाली आहे.