मुलगा सौदागरकडून आईच्या जीवाचा सौदा, पत्नीसोबत मिळून हालहाल करून मारलं, धाराशिवमधील अमानुष घटना!

लोहारा: धाराशिव जिल्ह्याच्या लोहारा तालुक्यात एक अमानुषतेचा कळस गाठणारी घटना समोर आली आहे. इथं पोटच्या मुलाने आपल्या पत्नीच्या मदतीने आईचा खून केला आहे. आरोपी मुलगा आणि सुनेने केलेल्या मारहाणीत एका ५५ वर्षीय महिलेचा जागीच मृत्यू झाला. ही धक्कादायक घटना लोहारा शहरात घडली. या घटनेनंतर, दोघांनी आईने आत्महत्या केली असल्याचा बनाव रचला. मात्र, दुसऱ्या मुलाला संशय आल्याने आणि शवविच्छेदनाच्या अहवालात मारहाणीच्या खुणा दिसून आल्याने हा खुनाचा प्रकार असल्याचं समोर आलं.या प्रकरणी पोलिसांनी मृत महिलेचा मुलगा आणि सुनेवर खुनाचा गुन्हा दाखल केला असून, दोघांना अटक करण्यात आली आहे.