Badlapur : पीडितेची आई गर्भवती, तिलाही 10 तास पोलीस स्टेशनला बसवलं; धक्कादायक माहिती समोर

मुंबई : बदलापूरमध्ये अवघ्या साडे तीन वर्षांच्या दोन चिमुकल्या मुलींवर शाळेत अत्याचाराची घटना घडलीय. ज्याला मुली दादा म्हणायच्या त्यानेच असा प्रकार केल्यानं खळबळ उडाली आहे. शाळेतही आता मुली सुरक्षित नाहीत का असा प्रश्न विचारला जात आहे. मंगळवारी नागरिकांच्या संतापाचा उद्रेक झाला आणि बदलापूर स्टेशनवर रेलरोको करण्यात आला. तब्बल १० तास रेल्वे रुळावर आंदोलक ठाण मांडून होते. दरम्यान, मुलींवर अत्याचार प्रकरणात ठाणे पोलीस आयुक्तांनी तीन पोलीस कर्मचाऱ्यांना निलंबित केलंय. पोलिसांनी गुन्हा दाखल करून घेण्यात दिरंगाई केल्याचा आरोप आहे. दोन पीडित मुलींपैकी एकीची आई गर्भवती असून तिलाही १० तास पोलीस स्टेशन आणि रुग्णालयात बसवून ठेवण्यात आलं. अनेक तास तक्रार दाखल करून घेतली गेली नाही.