कागदाच्या लगद्यापासून बनवल्या बाप्पाच्या मूर्ती, पर्यावरणपूरक गणेशोत्सवासाठी ठाण्यातील हे ठिकाण बेस्ट

'लॉकडाउनच्या काळातच मनात विचार आला की, सध्या पर्यावरणाचा मोठ्या प्रमाणात पीओपीच्या मूर्तींमुळे ऱ्हास होत आहे. म्हणूनच त्या वेळेपासूनच आम्ही कागदाच्या लगद्याच मूर्ती बनवायला सुरुवात केली. या मूर्ती बनवायला वेळ लागत असला तरी सुद्धा या मूर्ती उचलायला अगदी हलक्या असतात आणि विसर्जित होताना सुद्धा निसर्गाला या गोष्टीचा त्रास होत नाही. पर्यावरणपूरक गणपती बाप्पा साजरा करण्यावर ठाणेकरांचा नेहमीच कल असतो. यावर्षी तो कल दिसून येत आहे,' असे श्री गजानन कला केंद्र येथील मूर्तिकार सचिन मोरे यांनी सांगितले.