Coconut Price: नवरात्रीत नारळ खातोय भाव! लहान नारळांची मागणी वाढली, कारण काय?

ठाणे: भारतातील धार्मिक कार्यात श्रीफळ म्हणजेच नारळाला अनन्य साधारण महत्त्व आहे. त्यामुळे त्याच्या किमतीत झालेल्या बदलांचा थेट फरक सर्वसामान्य माणसाच्या खिशावर होतो. काही दिवसांपूर्वी झालेल्या गणेशोत्सवात उसळी घेतल्यानंतर पितृपक्षात नारळाची किंमत कमी झाली होती. मात्र, आता नवरात्रौत्सवात नारळाचा भाव पुन्हा वाढला आहे. देवीची ओटी भरण्यासाठी आणि होमहवन करण्यासाठी आकाराने लहान असलेल्या नारळाची मागणी मोठ्या प्रमाणात वाढली आहे. त्यामुळे छोट्या नारळाचे दर झपाट्याने वाढले आहेत.