Wardha: जिकडे तिकडे पाणीच पाणी, स्मशानात घेतला आसरा; मृत्यूच्या दाढेतून 3 विद्यार्थ्यांची सुटका LIVE VIDEO

घटनेची माहिती गावकऱ्यांनी तातडीने अग्निशमन दलाला दिली. त्यानंतर पुराच्या पाण्यामध्ये अडकलेल्या तीन विद्यार्थ्यांना वाचविण्यासाठी रेस्क्यू ऑपरेशन राबविण्यात आलं.  देवळी नगरपालिका फायर ब्रिगेडची चमू घटनास्थळी पोहचलं. मुलांना बाहेर काढण्याचे प्रयत्न सुरू केले. जिल्हा शोध आणि बचाव पथक देखील घटनास्थळी दाखल झालं होतं. अखेरीस शर्थीचे प्रयत्न करून तिन्ही विद्यार्थ्यांना पुरातून सुरक्षित बाहेर काढण्यात प्रशासनाला यश आलंय. सुरक्षितपणे बाहेर काढल्यानंतर तिन्ही विद्यार्थ्यांची प्रकृती तपासण्यात आली. तिघांचीही प्रकृती स्थिर आहे.  या बचावकार्याच्या वेळी देवळीचे तहसीलदार समर्थ क्षीरसागर, आमदार राजेश बकाने घटनास्थळी उपस्थितीत होते.