Tomato Rate: टोमॅटो कधी गोड तर कधी आंबट! दर कमी झाल्याने ग्राहक आनंदात तर शेतकरी चिंतेत

ठाणे : सध्या राज्यात सर्वदूर पाऊस सुरू आहे. काही ठिकाणी मुसळधार तर काही ठिकाणी पावसाची संततधार सुरू आहे. सततच्या पावसामुळे टोमॅटो पिकाला मोठा फटका बसला आहे. परिणामी टोमॅटोच्या दरात सतत चढउतार होताना दिसत आहेत. काही दिवसांपूर्वी मुसळधार पावसामुळे टोमॅटोची आवक कमी झाली आणि टोमॅटोचे भाव गगनाला भिडले होते. मात्र, आता अचानक आवक वाढल्याने टोमॅटोचे दर पुन्हा कोसळले आहेत, टोमॅटो 100 रुपयांवरून पुन्हा 20 ते 50 रुपये किलोवर आले आहेत.