Trending:

Uddhav Thackeray Raj Thackeray : दोन भावांमधील नाही, तर नेत्यांमधील भेट, शिवतीर्थावरील भेटीचे संकेत काय?

Published by:Shrikant Bhosale

Last Updated:September 10, 2025 1:09 PM IST

Uddhav Thackeray Raj Thackeray : दोन भावांमधील भेट नसून दोन नेत्यांमधील भेट असल्याचे स्पष्ट संकेत देण्यात आले आहेत.

दोन भावांमधील नाही, तर नेत्यांमधील भेट, शिवतीर्थावरील भेटीचे संकेत काय?

मुंबई : शिवसेना ठाकरे गटाचे पक्षप्रमुख उद्धव ठाकरे हे मनसे अध्यक्ष राज ठाकरे यांच्या भेटीसाठी अचानकपणे दादर येथील 'शिवतीर्थ' या निवासस्थानी दाखल झाले आहेत. उद्धव यांची आजची ही अचानक झालेली भेट फक्त दोन भावांमधील भेट नसून दोन नेत्यांमधील भेट असल्याचे स्पष्ट संकेत देण्यात आले आहेत. उद्धव ठाकरे यांनी आजच्या भेटी कुटुंबातील सदस्य सोबत नाहीत. तर, उद्धव यांच्यासोबत संजय राऊत आणि अनिल परब आहेत.

उद्धव ठाकरे यांच्या वाढदिवसाच्या निमित्ताने राज ठाकरे हे जवळपास 20 वर्षानंतर मातोश्रीवर दाखल झाले होते. त्यावेळी राज आणि उद्धव यांनी बाळासाहेब ठाकरे यांच्या खोलीला भेट दिली होती. त्यानंतर गणेशोत्सवात राज ठाकरेंच्या घरी गणपतीच्या दर्शनासाठी उद्धव ठाकरे सहकुटुंब गेले होते. तेव्हा दोन्ही भावांचं मनोमिलन झाल्याची चर्चा तेव्हा राजकीय वर्तुळात झाली होती. मागच्या काही महिन्यांमध्ये राज ठाकरे आणि उद्धव ठाकरे यांच्या भेटीचा सिलसिला सुरू आहे.

आजची भेट राजकीय, ठाकरेंचे स्पष्ट संकेत..

आजची भेट ही कौटुंबिक नसून राजकीय बैठक असल्याची म्हटले जात आहे. आज राज ठाकरे यांच्यासोबतच्या भेटीसोबत उद्धव ठाकरे यांच्यासोबत ठाकरे गटाचे नेते संजय राऊत, अनिल परब देखील उपस्थित आहेत. आगामी मुंबई महापालिका निवडणुकीसाठीची ही भेट झाली असल्याची चर्चा आहे. आगामी मु्ंबई महापालिका निवडणुकीत दोन्ही पक्ष एकत्र आल्यास जागा वाटप आणि काही महत्त्वाच्या जागांबाबत निर्णय होण्याची शक्यता आहे. उद्धव ठाकरे यांच्यासोबत निकटवर्तीय समजले जाणारे संजय राऊत आणि अनिल परब हेदेखील उपस्थित आहेत. त्यामुळेच राजकीय चर्चा आजच्या बैठकीत होणार असल्याचे म्हटले जात आहे. अनिल परब यांना मुंबई महापालिका निवडणुकीसाठी ठाकरे गटाचे रणनीतिकार म्हणून ओळखले जातात. अनिल परब यांना मुंबईतील प्रत्येक वॉर्डची माहिती आहे. त्यातील राजकीय समीकरणांवरही परब यांच्याकडे चांगली माहिती आहे.

मनसेकडून राज ठाकरे यांच्यासोबत बाळा नांदगावकर हे देखील सोबत आहेत. बाळा नांदगावकर हे राज यांचे निकटवर्तीय आहेत. त्यामुळे शिवसेना ठाकरे गट आणि मनसेमध्ये आता युतीच्या वाटाघाटी सुरू झाल्याची माहिती समोर आली आहे.