Uddhav Thackeray Raj Thackeray : अखेर तो ऐतिहासिक क्षण आला! अवघा महाराष्ट्र भावुक, उद्धव-राज भेटीचा पहिला Video

मुंबई: ज्या क्षणांची प्रतीक्षा महाराष्ट्राला होती अखेर तो क्षण आला. जवळपास 20 वर्ष राजकीय दृष्ट्या दुरावलेले उद्धव ठाकरे आणि राज ठाकरे हे एकत्र आले. दोन्ही नेत्यांच्या भेटीचा ऐतिहासिक क्षण हजारो लोकांनी प्रत्यक्षात डोळ्यात साठवला. त्रिभाषा सक्तीचा आदेश राज्य सरकारने रद्द झाल्यानंतर आज ठाकरे बंधूच्या पुढाकारातून विजयी मेळाव्याचे आयोजन करण्यात आले आहे. वरळीतील NSCI डोममध्ये हा विजयी मेळावा होत आहे. या निमित्ताने उद्धव ठाकरे आणि राज ठाकरे हे दोन्ही ठाकरे बंधू जवळपास 19 वर्षाच्या कालावधीनंतर राजकीय मंचावर एकत्र आले आहेत. सरकारने त्रिभाषेचा जीआर रद्द केल्यानंतर आज मराठी विजय मेळावा साजरा केला जात आहे.