ठरलं! ठाकरेंच्या युतीचा नारळ शिवाजी पार्कातच फोडणार, दसरा मेळाव्याबाबत समोर आली मोठी अपडेट

छत्रपती शिवाजी महाराज मैदानावर दसरा मेळाव्याला ठाकरे बंधू एकाच मंचावर येणार का याची उत्सुकता कायम असताना आता मैदानाबाबतची अपडेट समोर आली आहे. ठाकरेंच्या शिवसेनेकडून जानेवारी 2025 मध्ये दादर येथील छत्रपती शिवाजी महाराज पार्कच्या परवानगीसाठी अर्ज करण्यात आला आहे.अखेर नऊ महिन्यांनी शिवसेना उद्धव ठाकेर गटाला दसरा मेळाव्यासाठी परवानगी मिळाली आहे .

उद्धव ठाकरेंनी मनसे अध्यक्ष राज ठाकरे यांचीअचानकपणे दादर येथील 'शिवतीर्थ' या निवासस्थानी भेट घेतली..उद्धव ठाकरेंसोबत संजय राऊत, अनिल परबांनीही राज ठाकरेंची भेट घेतली.. ठाकरे बंधूंमध्ये अडीच तास ही बैठक झाली. पालिका निवडणुकीबाबत या दोघांमध्ये चर्चा झाली असल्याची माहिती आहे.. त्यामुळं येणाऱ्या 2 ॲाक्टोबरला दसरा मेळाव्यात युतीची अधिकृत घोषणा करण्यात येणार असल्याची सूत्रांची माहिती आहे. आगामी महापालिका निवडणुकांसाठी  शिवसेना ठाकरे गट आणि मनसे यांची अधिकृत युती होणार असल्याची सूत्रांची माहिती आहे.

शिवसेनेच्या स्थापनेपासून दसरा मेळाव्याचे ऐतिहासिक महत्त्व राहिले आहे. शिवसेनाप्रमुख दिवंगत बाळासाहेब ठाकरे या दसरा मेळाव्यातून राजकीय परिस्थितीवर भाष्य करताना आपल्या पक्षाच्या आगामी वाटचालीचे संकेत देत असे. सलग 40 वर्ष एक नेता, एक मैदान असा विक्रमही शिवसेनेच्या नावावर आहे. शिवसैनिकांसाठी दसरा मेळावा त्यासाठी महत्त्वाचा असतो. विद्यमान उपमुख्यमंत्री एकनाथ शिंदे यांच्या नेतृत्त्वात शिवसेनेत अभूतपूर्व फूट पडली. शिवसेनेतील फुटीनंतर छत्रपती शिवाजी पार्क मैदानावर कोणाचा दसरा मेळावा होणार, याचा वाद रंगला होता. छत्रपती शिवाजी पार्क मैदानावर शिवसेना शिंदे गट आणि ठाकरे गटाने दावा केला होता. दोन्ही बाजूने मोठा वादही चांगलाच रंगला होता. त्यानंतर हे मैदान ठाकरेंच्या शिवसेनेसाठी देण्यात आले. त्यानंतर शिंदे गटाचा दसरा मेळावा हा बीकेसी मैदान आणि त्यानंतर आझाद मैदानात पार पडला.