ओल्या दुष्काळावरून सामना, उद्धव ठाकरे यांनी फडणवीसांना खिंडीत गाठलं, ते पत्रच वाचून दाखवलं

मुंबई : महाराष्ट्रावर अतिवृष्टीचं संकट असताना मुख्यमंत्री फडणवीस हे ओला दुष्काळ ही संज्ञाच नसल्याचे सांगत आहेत. नियमामध्ये ओला दुष्काळ नाही असे त्यांचे म्हणणे आहे. मग जर ओला दुष्काळ ही संज्ञा नसेल तर राज्य सरकार शेतकऱ्यांना मदत करणार आहे की नाही? अशी विचारणा करीत स्वत: फडणवीस यांनी विरोधी पक्षनेते असताना तत्कालिन मुख्यमंत्र्‍यांना लिहिलेल्या पत्रात ओला दुष्काळ जाहीर करण्याची मागणी केली होती, याबद्दलचे पत्रच शिवसेना पक्षप्रमुख उद्धव ठाकरे यांनी पत्रकार परिषदेत दाखवले. ओला दुष्काळ नियमामध्येच नाही, असे सांगणाऱ्या फडणवीस यांना एकप्रकारे ठाकरे यांनी उघडे पाडण्याचा प्रयत्न केला.