Maharashtra Politics: "आता त्यांचा पापाचा घडा भरला"; मुख्यमंत्री शिंदे आणि उद्धव ठाकरेंमध्ये निवडणुकीच्या तोंडावर धुमश्चक्री

नागपूर: मुख्यमंत्री शिंदेंनी बंड करत सरकार स्थापन केलं या घटनेला आता अडीच वर्षे झाली आहेत. तेव्हापासून राज्यात मुख्यमंत्री शिंदे विरूद्ध उद्धव ठाकरे हा राजकीय सामना पाहायला मिळतोय. राजकीय सभेचं मैदान असो की विकासकामांची चर्चा हे द्वंद्व सुरू आहे. आज संभाजीनगरच्या शिवसंकल्प मेळाव्यातून उद्धव ठाकरेंनी सत्ताधाऱ्यांवर पर्यायाने मुख्यमंत्री एकनाथ शिंदेंवर जहरी टीका केली. सत्ताधारी आणि  मुख्यमंत्र्यांचा पापाचा घडा भरला आहे, अशी टीका ठाकरेंनी केली. त्याचबरोबर सरकारी योजनांचं अपयश, जनतेला, शेतकऱ्यांना होणार मनस्ताप या विषयांवर ठाकरेंनी भाष्य केलं. काही ठिकाणी शेतकऱ्यांच्या थेट बांधावर जात त्यांनी शेतकऱ्यांची भेट घेतली. शेतकऱ्यांनी संवाद साधला. आता ठाकरेंवर मुख्यमंत्री एकनाथ शिंदेंनी जोरदार पलटवार केला आहे.