निवडणुकीची घोषणा होताच सुट्ट्यांचं प्रमाण वाढलं; वर्ध्यातील अधिकाऱ्यानं केली अशी युक्ती, 'कर्मचारी म्हणतात आता सुट्टी नको'

वर्धा, नरेंद्र मते प्रतिनिधी : निवडणूक आयोगाकडून लोकसभा निवडणुकीच्या कार्यक्रमाची घोषणा करण्यात आली आहे. सोबतच अचारसंहिता देखील लागू झाली आहे. देशभरात एकूण सात टप्प्यांमध्ये लोकसभा निवडणुकीसाठी मतदान घेतलं जाणार आहे. मात्र लोकसभा निवडणूक जाहीर होताच सुट्टी मागणाऱ्या सरकारी कर्मचाऱ्यांच्या संख्येत देखील अचानक वाढ झाली आहे. सुट्टी मागणाऱ्या कर्मचाऱ्यांची वाढती संख्या ही वरिष्ठांसाठी डोकेदुखीचा विषय ठरत आहे. यावर आता वर्ध्याच्या उपविभागीय अधिकाऱ्यांनी नामी युक्ती शोधून काढली आहे. सुट्टी संदर्भातील एक मजकूर त्यांनी आपल्या दालनाच्या पाटीवरच चिटकवला आहे. हा मजकूर वाचून सुट्टी मागण्यासाठी आलेल्या कर्मचारी आल्या पाऊली परत फिरत आहे. उपविभागीय अधिकाऱ्यांनी केलेली ही युक्ती जिल्ह्यात चर्चेला विषय ठरत आहे.