Weather Update: स्वेटरसोबत छत्रीही ठेवा! विकेण्डला बदलणार हवामान, थंडीसोबत अवकाळीचंही संकट

राज्यात सध्या हवामानाचा अत्यंत विचित्र खेळ सुरू आहे. एका बाजूला बंगालच्या उपसागरात सक्रिय झालेल्या 'डिटवाह' चक्रीवादळामुळे कोकण आणि पश्चिम महाराष्ट्रात कमाल तापमानात मोठी वाढ झाली आहे, ज्यामुळे दिवसा नागरिक भयंकर उकाड्याने हैराण आहेत. तर दुसरीकडे, याच हवामान बदलामुळे आता महाराष्ट्रावर कडाक्याच्या थंडीची लाट येणार आहे. हवामान तज्ज्ञ स्वर्णाली मजूमदार यांनी दिलेल्या माहितीनुसार राजस्थान आणि गुजरातकडून येणाऱ्या थंड वाऱ्यांमुळे पुढच्या तीन दिवसांत राज्यातील किमान तापमान ४ अंशांपर्यंत खाली घसरणार आहे.