Western Railway: दसरा-दिवाळीत सहज करा प्रवास, वेस्टर्न रेल्वेचा मोठा निर्णय, कसं असेल वेळापत्रक?

मुंबई: गणेशोत्सवापासून देशभरात विविध मोठ्या सण-उत्सवांची सुरुवात होते. गणेशोत्सवापाठोपाठ शारदीय नवरात्री, दसरा, दिवाळी आणि छटपूजा यांसारखे मोठे उत्सव येतात. सणासुदीच्या काळात नोकरी आणि व्यवसायानिमित्त आपल्या मूळ गावापासून दूर असलेले लोक आपापल्या गावी जातात. परिणामी या काळात वाहतुक व्यवस्थेवर ताण येतो. विशेषत: सणासुदीच्या काळात रेल्वे प्रवाशांच्या संख्येत लक्षणीय वाढ होते. तिकीट न मिळाल्याने अनेकदा प्रवाशांची गैरसोय देखील होते. ही बाब लक्षात घेऊन रेल्वेच्या वेस्टर्न विभागाने (पश्चिम रेल्वे) एक महत्त्वाचा निर्णय घेतला आहे. वेस्टर्न रेल्वे चार विशेष गाड्यांच्या फेऱ्या वाढवणार आहे.