10 रुपये दे! म्हणत त्याने ब्लेडने तर दुसऱ्याने कैचीने केले सपासप वार, पत्त्याच्या खेळात रक्ताचा सडा!

ताश पत्ते खेळत असताना दहा रुपयांवरून दोघांमध्ये वाद झाला. या वादात दोघांमध्ये जोरदार भांडण झालं. मृतक अरबाज शाहने ब्लेडने अलिफ खानवर वार केले, यात तो गंभीर जखमी झाला. त्याच्यावेळी अलिफ खानच्या हातात कैची लागली आणि त्याच्यावर हल्ला चढवला. सपासप वार केले. अरबाजला रक्ताच्या थारोळ्यात पडला. त्याला तातडीने नजीकच्या रुग्णालयात दाखल केलं. पण जास्त प्रमाणात रक्त प्रवाह झाल्यामुळे डॉक्टरांनी त्याला तपासून मृत घोषित केलं.

घटनेची माहिती मिळताच सालेकसा पोलीस घटनास्थळी दाखल झाले. घटनास्थळाचा पंचनामा करण्यात आला आहे. अरबाजचा मृतदेह शवविच्छेदनासाठी शासकीय रुग्णालयात पाठवण्यात आला आहे. पुढील तपास सालेकसा पोलीस निरीक्षक भुषण बुराडे करीत आहेत.