Bank Holidays in April 2025: गुड फ्रायडे, अंबेडकर जयंती, अक्षय तृतीया, एप्रिलमध्ये किती दिवस बँक बंद राहणार?

आरबीआय प्रत्येक महिन्यातील बँकांच्या सुट्ट्या जाहीर करते. सण उत्सव लक्षात घेऊन काही सुट्ट्या या संपूर्ण देशभरात असतात. तर काही सुट्ट्या या त्या त्या राज्यापुरत्या मर्यादीत देण्यात आल्या आहेत. तुम्ही बँकेच्या कामाचं नियोजन करण्याआधी सुट्ट्यांची यादी चेक करा, नाहीतर तुमचं नियोजन फेल जाईल, कामं होणार नाही, शिवाय वेळही वाया जाईल. याशिवाय तुम्हाला बँक शाखेतून देखील बँका कधी बंद राहतील याची यादी मिळू शकते.

एप्रिल २०२५ मध्ये विविध धार्मिक आणि प्रादेशिक सणांमुळे देशभरातील अनेक राज्यांमध्ये बँका बंद राहतील. नवीन आर्थिक वर्षाच्या सुरुवातीस महावीर जयंती, आंबेडकर जयंती आणि गुड फ्रायडे यासारख्या विशेष दिवसांवर बँकिंग सेवा प्रभावित होणार आहेत.