Biggest Shock: 4 दिवसात येणार सर्वात मोठे आर्थिक संकट, अब्जावधी डॉलर्स पणाला; भारताचे गणित बिघडणार

मुंबई: भारतासह जगातील सर्वच शेअर बाजारात अस्थिरता आहे. गेल्या पाच महिन्यांपासून भारतीय शेअर बाजारात घसरणीचा ट्रेंड सुरू आहे. या काळात गुंतवणुकदारांचे मोठे नुकसान झाले. मात्र हे संकट एवढ्यावर थांबणार नाही. पुढील काही दिवसात आणखी अडचणी वाढणार आहेत. अमेरिकेचे राष्ट्राध्यक्ष डोनाल्ड ट्रम्प 2 एप्रिल रोजी मोठी घोषणा करण्याची शक्यता आहे. जागतिक बाजारपेठेवर या निर्णयाचा मोठा प्रभाव पडू शकतो. ट्रम्प अमेरिकेतील स्थानिक उद्योगांना प्रोत्साहन देण्यासाठी नवीन कर लावण्याचा विचार करत आहेत. यामुळे आंतरराष्ट्रीय व्यापारावर मोठा परिणाम होऊ शकतो आणि भारतालाही याचा फटका बसू शकतो.