20 असो की 60 हजार रु पगार! हे 3 सुत्र कायम लक्षात ठेवा, महिन्याला खिसा कधीच होणार नाही रिकामा

बहुतेक लोक बचतीसाठी महिन्याच्या शेवटी काही रक्कम ठेवतात. पण हे सूत्र अपयशी ठरतं, कारण खर्च कधीच कमी होत नाहीत. त्यामुळे सूत्र उलट करा, पगार आल्यावर 50-30-20 अशा हिशोबाने रक्कम वेगवेगळी विभागून ठेवा. 50 टक्के रक्कम तुमच्या एका बँक खात्यावर उर्वरित 50 टक्के रक्कम दुसऱ्या बँक खात्यावर ठेवा.

आपण रोज हिशोब लिहिला की आपण किती वायफळ खर्च केला याचा अंदाज महिन्याच्या अखेरीस येतो. त्यामुळे तुम्ही तुमचे सगळे खर्च लिहायला सुरुवात करा. कुठे काटकसर करू शकतो याची एक लिस्ट तयार करा. बजेट तयार करा आणि त्याला कटाक्षाने पाळा. छोट्या गुंतवणुकीपासून सुरुवात करा. शेअर मार्केट धोक्याचं वाटत असेल तर गुंतवणुकीचे इतर पर्यायही उपलब्ध आहेत.

SIP, म्युच्युअल फंड, PPF, आरडी, फिक्स डिपॉझिट सारखे पर्याय हे छोट्या सेविंगसाठी उत्तम आहेत. याशिवाय इमर्जन्सी फंड तुमच्याकडे थोडा तरी शिल्लक राहिला पाहिजे. अचानक आजारपण आलं तर तुमच्या हातात पैसे हवेत त्यामुळे त्याचं नियोजन करणं आवश्यक आहे. जर 20% पैसे वाचवू शकत नसाल कठीण वाटत असेल, तर 10% पासून सुरुवात करा. महत्त्वाचे हे आहे की, तुम्ही सुरुवात करा. हळूहळू जेव्हा तुमची सवय बनेल आणि उत्पन्न वाढेल, तेव्हा ते वाढवून 15% आणि नंतर 20% पर्यंत घेऊन जा.

गुंतवणूक करण्याची सर्वात चांगली वेळ 'आज' आहे. तुम्ही जितक्या लवकर सुरुवात कराल, तितका जास्त फायदा तुम्हाला 'कम्पाउंडिंग'च्या शक्तीचा मिळेल. पगार आल्याच्या पहिल्या आठवड्यातच गुंतवणूक करणे ही सर्वोत्तम रणनीती आहे.