नव्या आयकर कायद्यात क्रिप्टोही, नोकरदारांना मोठा फायदा, ITR भरणाऱ्यांसाठी महत्त्वाची बातमी

आजच्या काळात क्रिप्टो करन्सीमध्ये गुंतवणूक करणाऱ्यांची संख्या वाढत आहे. नवीन कायद्यात क्रिप्टो करन्सीवर कर कसा आकारला जाईल याबाबत स्पष्ट नियम असतील.

नवीन कायद्यात पगारदार वर्गांसाठी एक महत्वाचा बदल करण्यात आला आहे. आतापर्यंत मिळणाऱ्या वेगवेगळ्या वजावटी एकत्रित करून त्या सोप्या पद्धतीने मांडण्यात येतील. मानक वजावट, गुंतवणुकीवरील सूट, घरभाडे भत्ता, रजा रोखीकरण अशा सर्व सूट एकत्रित करून कर भरण्याची प्रक्रिया सोपी करण्यात येईल.

नवीन कायद्यात कंपन्यांसाठी कर सवलतीबाबत कोणतीही घोषणा करण्यात आलेली नाही. परंतु, कंपन्यांमधील व्यवहार आणि हस्तांतरण किंमत याबाबत स्पष्ट नियम असतील. यामुळे करचोरीला आळा बसेल असा विश्वास व्यक्त केला जात आहे. नवीन कायदा समजून घेण्यासाठी करदात्यांना काही नवीन संज्ञा समजून घ्याव्या लागतील. उदाहरणार्थ, आता 'कर निर्धारण वर्ष' ऐवजी 'कर वर्ष' ही संज्ञा वापरली जाईल.