IT Raid : Hero एजन्सी मालकाच्या घरावर मोठी Raid; 150 जवान, 36 गाड्या आणि 30 तास चालली ही कारवाई

मुंबई : बिहारच्या मोतिहारी जिल्ह्यातील रक्सौलमध्ये सध्या एका मोठ्या आर्थिक भूकंपाची चर्चा आहे. भारत-नेपाळ सीमेवरील या शांत शहरात अचानक 36 गाड्यांचा ताफा आणि दीडशे सशस्त्र जवान धडकले, तेव्हा ती केवळ सामान्य बातमी राहिली नाही तर देशभरात चर्चेचा विषय ठरली. आयकर विभाग (Income Tax) आणि अंमलबजावणी संचालनालय (ED) यांच्या या संयुक्त धडाक्याने बड्या व्यवसायिकाचे धाबे दणाणले आहेत. एखाद्या चित्रपटात शोभेल अशा या हाय-प्रोफाइल कारवाई मागच्या 20 दिवसांपासून सुरु आहे आणि प्रत्येकवेळी तपासातून नवनवीन धक्कादायक माहिती समोर येत आहे.