Share Market: शेअर बाजारात क्रॅश नंतर कॅश! Expert केले मोठे भाकीत, चमकणाऱ्या शेअर्सची यादीच दिली

भारतीय रिझर्व्ह बँकेने (RBI) तीन वर्षांनंतर NBFC कंपन्यांना दिल्या जाणाऱ्या कर्जांवरील नियम शिथिल केले आहेत. याचा फायदा चोलामंडलम इन्व्हेस्टमेंट, श्रीराम फायनान्स आणि महिंद्रा फायनान्स यांसारख्या कंपन्यांना होईल. यामुळे त्यांची कर्ज घेण्याची क्षमता वाढेल आणि त्यांच्या शेअरच्या किमतीत स्थिरता येण्याची शक्यता आहे.

तज्ज्ञांच्या मते, बँकिंग आणि IT क्षेत्रात दीर्घकालीन गुंतवणुकीसाठी संधी आहे. भारतीय रिझर्व्ह बँकेच्या आगामी धोरणांमुळे बँकिंग क्षेत्राला चालना मिळू शकते. तसेच, सरकारच्या आगामी बजेट निर्णयांचा या क्षेत्राला फायदा होईल. IT क्षेत्रातील टाटा कन्सल्टन्सी सर्व्हिसेस (TCS), इन्फोसिस आणि HCL टेक हे शेअर्स चांगल्या किमतीत उपलब्ध असून, भविष्यात चांगला परतावा देऊ शकतात. तज्ज्ञांच्या मते, सध्याच्या अस्थिरतेच्या काळात केवळ उच्च किंमतीचे शेअर्स खरेदी करावेत आणि दीर्घकालीन गुंतवणुकीवर भर द्यावा.

कंझम्पशन सेक्टर काही काळ अंडरव्हॅल्यूड होता, मात्र आता त्यात सुधारणा होण्याची शक्यता आहे. RBI च्या व्याजदर कपातीमुळे ग्राहकांची खर्च करण्याची क्षमता वाढेल, ज्याचा फायदा नेस्ले सारख्या FMCG कंपन्यांना होऊ शकतो.

सध्याच्या अस्थिरतेत तज्ज्ञ गुंतवणूकदारांना सावधगिरीने गुंतवणूक करण्याचा सल्ला देत आहेत. दीर्घकालीन गुंतवणुकीसाठी IT आणि बँकिंग क्षेत्र सर्वोत्तम ठरू शकतात. बाजारातील सध्याची परिस्थिती लक्षात घेता, फक्त उच्च दर्जाचे शेअर्स निवडणे आणि लहान प्रमाणात गुंतवणूक करणे फायद्याचे ठरू शकते.