Success Story : दिवाळी फराळातून 30 महिलांना दिला रोजगार, 10 दिवसांत 60 लाखांची उलाढाल, ज्योती यांची यशोगाथा

छत्रपती संभाजीनगर : येथील ज्योती कवर या गेल्या 20 वर्षांपासून दिवाळीचे फराळ विक्रीचा व्यवसाय करत आहेत. घरगुती फराळामध्ये भडंग चिवडा, चिरोटे, तळलेला चिवडा, करंजी, अनारसे, शंकरपाळे यासह विविध खाद्यपदार्थांचे वेगवेगळे प्रकार येथे उपलब्ध आहेत. यातून जवळपास चिवडा 3 ते 4 क्विंटल, मसाला शेव 3 क्विंटल, शंकरपाळे 2 क्विंटल लागतात. या ठिकाणी 30 महिला काम करतात त्यांना देखील रोजगार मिळाल्याने त्या समाधान व्यक्त करत आहेत. फराळ विक्रीतून दिवाळीच्या 10 दिवसांत 60 लाख रुपयांची उलाढाल होत असल्याचे कवर यांनी लोकल 18 सोबत बोलताना सांगितले.