हजारो कर्मचाऱ्यांना एका झटक्यात घरचा रस्ता; 6,800 अधिक कर्मचाऱ्यांची हकालपट्टी; कारण वाचून भडका उडेल

या नोकरकपातीचा परिणाम सर्व स्तरांवरील, टीम्स आणि प्रदेशांतील कर्मचाऱ्यांवर होणार आहे. जे कंपनीव्यापी बदलांना दर्शवते. मायक्रोसॉफ्टने कोणत्या पदांवरील कर्मचाऱ्यांची कपात केली जाईल हे स्पष्टपणे सांगितले नसले तरी एआय (कृत्रिम बुद्धिमत्ता), क्लाउड तंत्रज्ञान आणि बदलत्या ग्राहक मागणीमुळे निर्माण होणाऱ्या वेगाने बदलणाऱ्या परिस्थितीत चपळ आणि स्पर्धात्मक राहण्याचे महत्त्व कंपनीने अधोरेखित केले आहे.

मायक्रोसॉफ्टचे माजी कर्मचारी रॉन बकटन ज्यांना नुकतेच कामावरून कमी करण्यात आले. त्यांनी X (पूर्वीचे ट्विटर) वर एक भावनिक पोस्ट शेअर केली. ते 18 वर्षांहून अधिक काळ मायक्रोसॉफ्टमध्ये होते आणि त्यांनी सुमारे दशकभर TypeScript वर काम केले. त्यांनी लिहिले, मायक्रोसॉफ्टमधील 18 वर्षांच्या कारकिर्दीनंतर ज्यात TypeScript वर सुमारे दहा वर्षांचा समावेश आहे. दुर्दैवाने कर्मचारी कपातीच्या या फेरीत मला कामावरून काढण्यात आले. ते पुढे म्हणाले, नोकरी शोधायला सुरुवात करण्यापूर्वी मला काही दिवस लागतील. माझ्या आतापर्यंतच्या प्रवासात सहभागी झालेल्या प्रत्येकाचे आभार.