'या' डॉक्यूमेंटनेही ऑथेंटिकेट होईल IRCTC अकाउंट! आधार अनिवार्य नाही

नवी दिल्ली : रेल्वेच्या तात्काळ तिकीट बुकिंगमध्ये पारदर्शकता आणण्यासाठी आणि आपत्कालीन परिस्थितीत गरजू प्रवाशांना वेळेवर तिकिटे उपलब्ध करून देण्यासाठी रेल्वे 1 जुलैपासून नवीन नियम लागू करणार आहे. काही दिवसांपूर्वी जारी केलेल्या अधिसूचनेत रेल्वेने म्हटले होते की, ज्या प्रवाशांचे आधार कार्ड आयआरसीटीसी खात्याशी लिंक केलेले नाही ते आयआरसीटीसी वेबसाइट किंवा मोबाइल अ‍ॅपवरून तात्काळ तिकिटे बुक करू शकणार नाहीत. आता रेल्वे आयआरसीटीसी खात्याची आधार कार्डसह काही इतर ओळखपत्रांसह पडताळणी करून तात्काळ तिकिटे बुक करण्याची सुविधा देण्याची योजना आखत आहे. सध्या, आयआरसीटीसीच्या सुमारे 13 कोटी रजिस्‍टर्ड यूझरपैकी फक्त 10% पेक्षा जास्त लोकांनी त्यांचे खाते आधार कार्डशी लिंक केले आहे.