Silver Price: ही फक्त सुरुवात आहे, चांदीने मोडले सर्व विक्रम, गुंतवणूकदार चकित; भाव होणार तब्बल 2.18 लाख
- Published by:Jaykrishna Nair
Last Updated:
Silver Prices: चांदीच्या भावाने गुंतवणूकदारांना अक्षरशः चकित केले आहे. फक्त दहा महिन्यांत दर 79 हजारांवरून 1.85 लाख रुपये प्रति किलोवर पोहोचला असून, तज्ज्ञांच्या मते वर्षाअखेर तो 2.18 लाखांपर्यंत झेपावू शकतो.
मुंबई: चांदीच्या किमतींमध्ये सुरू असलेली तेजी पुढेही कायम राहू शकते, असे प्रसिद्ध बुलियन डीलर आम्रपाली गुजरातचे सीईओ चिराग ठक्कर यांनी म्हटले आहे. त्यांच्या मते 2025 च्या अखेरीपर्यंत चांदीच्या भावात तब्बल 18 टक्क्यांहून अधिक वाढ होण्याची शक्यता आहे. जागतिक स्तरावर वाढलेला लिक्विडिटी प्रेशर आणि रिटेल मार्केटमधील मजबूत मागणी यामुळे हा बाजार अजून काही काळ तप्त राहू शकतो.
advertisement
भारतीय बाजारातील चांदीची स्थिती
गुडरिटर्न्सच्या माहितीनुसार 13 ऑक्टोबर (सोमवार) रोजी भारतात चांदीचा भाव 1.85 लाख प्रति किलो इतका होता. जर चिराग ठक्कर यांनी सांगितल्याप्रमाणे 18 टक्क्यांची वाढ झाली, तर पुढील काळात चांदीची किंमत 2.18 लाख प्रति किलोपर्यंत पोहोचू शकते.
यंदाच्या वर्षाच्या सुरुवातीला म्हणजेच 1 जानेवारी 2025 रोजी, चांदीचा भाव सुमारे 79,380 प्रति किलो इतका होता. तर 13 ऑक्टोबरपर्यंत तो 1.85 लाखांवर गेला आहे. म्हणजेच जानेवारी ते ऑक्टोबर या 10 महिन्यांच्या कालावधीत चांदीच्या किंमतीत तब्बल 133% वाढ झाली आहे. जी मागील काही वर्षांतील सर्वात मोठी तेजी मानली जात आहे.
advertisement
उच्च भाव असूनही भारतात वाढली चांदीची मागणी
किंमती वाढल्या असल्या तरी भारतात फिजिकल आणि डिजिटल चांदीची मागणी अजिबात कमी झालेली नाही. ठक्कर यांच्या मते, खरेदीदार या झपाट्याने वाढणाऱ्या भावाने घाबरलेले नाहीत. ते म्हणाले, माझे ग्राहक सांगत आहेत की किंमत वाढो वा घसरो, आम्ही 2 लाख प्रति किलो इतकी किंमत देण्यास तयार आहोत आम्हाला फक्त चांदी हवी.”
advertisement
त्यांच्या मते 1 किलो वजनाचे चांदीचे बार हे सध्या रिटेल इन्व्हेस्टर्समध्ये सर्वाधिक लोकप्रिय आहेत. भारतात यंदा चांदीची आयात (import) सुमारे 5,000 ते 5,500 टनांपर्यंत राहील, असा अंदाज आहे.
चांदीच्या किंमती वाढण्यामागील मुख्य कारणे
चिराग ठक्कर यांनी CNBC-TV18 ला दिलेल्या मुलाखतीत सांगितले की, आम्ही सिल्वरसाठी जे टारगेट ठरवले होते, ते आधीच पूर्ण झाले आहेत. सध्या लंडन मार्केटमधील लिक्विडिटीची कमतरता किंमतींना असामान्य पातळीवर ढकलत आहे. जर चांदीचा दर 50 डॉलर प्रति औंस या पातळीवर टिकून राहिला, तर तो 55 डॉलर, अगदी 60 डॉलर प्रति औंस पर्यंतही जाऊ शकतो.
advertisement
13 ऑक्टोबर (सोमवार) रोजी जागतिक बाजारात चांदीच्या स्पॉट प्राइस मध्ये 1.57% वाढ झाली आणि ती 51.08 डॉलर प्रति औंस इतकी झाली. जी जवळपास विक्रमी पातळी मानली जाते. लंडन मार्केटमधील शॉर्ट स्क्विझ (short squeeze) आणि अमेरिका-चीन व्यापार तणाव यामुळे या बाजारात मोठ्या प्रमाणात चढ-उतार दिसून आले.
advertisement
या तेजीचा परिणाम सोन्यावर आणि इतर धातूंवरही
चांदीच्या या झपाट्याने वाढीचा परिणाम सोन्यावरही दिसून आला. ज्याच्या किंमती नव्या उंचीवर पोहोचल्या. त्याचवेळी व्हाइट हाऊसकडून इतर मौल्यवान धातूंवर टॅरिफ लागू होण्याची शक्यता असल्यामुळे प्लॅटिनम आणि पॅलेडियम यांच्या किंमतीतही वाढ झाली आहे.
लंडनमध्ये प्रीमियम, न्यूयॉर्कमध्ये डिस्काउंट
ठक्कर यांच्या माहितीनुसार, सध्या लंडन मार्केट न्यूयॉर्कच्या तुलनेत 2 डॉलर प्रति औंस जास्त प्रीमियमवर ट्रेड होत आहे. हे पुरवठ्याच्या (Supply) कमतरतेचे आणि ग्लोबल फंड्सकडून वाढत्या खरेदीचे संकेत आहे. त्यांनी स्पष्ट केले की, न्यूयॉर्क मार्केटमध्ये डिस्काउंटवर व्यवहार होत आहेत. तर लंडनमध्ये प्रीमियमवर. सर्व ग्लोबल ETF, ज्यात भारतीय ETF सुद्धा समाविष्ट आहेत, मोठ्या प्रमाणात खरेदी करत आहेत. याशिवाय रिटेल गुंतवणूकदारांची मागणीही प्रचंड वाढली आहे.
advertisement
ठक्कर यांच्या मते सध्या 1.5 ते 2 डॉलर प्रति औंस, म्हणजेच अंदाजे 14,000 ते 15,000 प्रति किलो MCX दराच्या वर प्रीमियम चालू आहे. बाजार स्थिर झाल्यानंतर हा प्रीमियम 3 ते 4 आठवड्यांत सामान्य स्तरावर परत येईल.
46 डॉलरवर मजबूत सपोर्ट लेव्हल
चांदीच्या या प्रचंड तेजीमागे जागतिक पुरवठ्याची कमतरता आणि गुंतवणूकदारांची वाढती रसदारी ही दोन प्रमुख कारणे आहेत. ठक्कर म्हणाले, जर किंमतींमध्ये सुधारणा आली तरी 46 डॉलर प्रति औंस हा दर एक मजबूत सपोर्ट लेव्हल ठरेल. मागील आठवड्यात लंडन मार्केट उघडण्याआधीच या दरावर मोठी खरेदी झाली होती.
त्यांच्या मते जर किंमती 10% नी घटल्या तरी गुंतवणूकदार मोठ्या प्रमाणात खरेदी करतील. भारतीय बाजारात हे सपोर्ट लेव्हल सुमारे 1,66,500 प्रति किलो इतके राहील. हा धातू अजूनही थांबलेली नाही; वर्ष संपण्याआधी चांदी पुन्हा एकदा चमक दाखवणार आहे.
Location :
Mumbai,Maharashtra
First Published :
October 14, 2025 6:04 PM IST
मराठी बातम्या/मनी/
Silver Price: ही फक्त सुरुवात आहे, चांदीने मोडले सर्व विक्रम, गुंतवणूकदार चकित; भाव होणार तब्बल 2.18 लाख
