भास्कर जाधव यांच्या लेकाने अजित पवार यांची भेट घेतली, राजकीय वर्तुळात चर्चांना उधाण

दुसरीकडे आमची भेट केवळ कौटुंबिक असून त्यामागे कोणताही राजकीय हेतू नाही, असे सांगताना उपमुख्यमंत्री अजित पवार आपल्या शहरात आल्यामुळे त्यांचे स्वागत करणे ही आमची संस्कृती असल्याचे आवर्जून विक्रांत जाधव यांनी सांगितले.

अजित पवार यांची भेट घेऊन विक्रांत जाधव आणि भास्कर जाधव यांचे पक्षावर दबावचंत्र टाकण्याचे प्रयत्न असल्याचीही चर्चा आहे. मागील काही महिन्यांपूर्वी भास्कर जाधव यांनी मेळावा घेऊन "मला काही सांगायचे आहे.." असे म्हणत मनातील खदखद कार्यकर्त्यांसमोर व्यक्त केली होती. राष्ट्रवादीत असताना मंत्री होतो तरीही शिवसेनेने मला मंत्रिपदाची संधी नाही, याचे शल्य बोचत असल्याचे त्यांनी सांगितले होते. यानिमित्ताने त्यांनी उद्धव ठाकरे यांच्या कार्यशैलीवर एकप्रकारे जाहीररित्या नाराजी व्यक्त केली होती.

अजित पवार यांची घेतलेली भेट ही आगामी विधानसभा निवडणुकीत उमेदवारीसाठी वापरलेले दबाव तंत्र असल्याचे बोलले जात आहे. भास्कर जाधव यांना चिपळूण तर मुलगा विक्रांत जाधव यांना गुहागरमधून उमेदवारी मिळावी, असा त्यांचा प्रयत्न आहे. चिरंजीव विक्रांत यांना गुहागर मतदारसंघातून उमेदवारी मिळवून देणे, हे भास्कर जाधव यांचे टार्गेट आहे. त्यादृष्टीने त्यांनी आत्तापासून मोर्चेबांधणी सुरु केली आहे.