मुंबईत नौदल वसाहतीतील रायफलचोरी करणारे निघाले सख्खे भाऊ, विकण्यासाठी गाठलं तेलंगणा

या घटनेमुळे सुरक्षेच्या दृष्टीने गंभीर प्रश्न निर्माण झाले आहेत. नेव्हीच्या हद्दीत कार्यरत असलेला जवानच अशा गंभीर गुन्ह्यात सामील झाल्याने सुरक्षा यंत्रणांवर प्रश्नचिन्ह निर्माण झाले आहे. सैन्यदलाकडून वापरल्या जाणाऱ्या शस्त्रास्त्रांची चोरी होऊन ती नक्षलवाद्यांच्या हाती पोहोचली असती तर मोठा अनर्थ घडला असता. त्यामुळे या प्रकरणाकडे अत्यंत गांभीर्याने पाहिले जात आहे.

मुंबई गुन्हे शाखेने अटक केलेल्या दोन्ही भावांकडून कसून चौकशी सुरू केली आहे. त्यांचे आणखी कोणाशी संबंध आहेत का, पूर्वीपासून अशा प्रकारचे प्रयत्न झाले आहेत का, याबाबत तपास सुरू आहे. तसेच नक्षलवाद्यांशी नेमका कसा संपर्क साधला गेला आणि शस्त्रांची किंमत किती ठरवण्यात आली होती, याचीही चौकशी करण्यात येत आहे.

या संपूर्ण प्रकरणामुळे सुरक्षा यंत्रणांनी अलर्ट मोडवर काम सुरू केले आहे. नेव्हीत शिरून शस्त्रांची चोरी झाल्याने  सुरक्षा व्यवस्थेकडे विशेष लक्ष देण्याची गरज अधोरेखित झाली आहे. गुन्हे शाखेची ही कारवाई वेळेत झाल्याने संभाव्य मोठा धोका टळला आहे. एका सैनिकाच्या हातातून भरलेली रायफल चोरीला जाणे ही एक अत्यंत गंभीर बाब आहे. सध्याच्या सुरक्षा परिस्थितीच्या पार्श्वभूमीवर अशा घटनांना गांभीर्याने घेतले जात आहे. चोरलेला व्यक्ती नौदलाच्या वेशात असल्याने, ही घटना पूर्वनियोजित असावी अशी शक्यता वर्तवली जात आहे.