Mumbai Local : मुंबईकर लोकलच्या गर्दीत घुसायची गरज नाही, रेल्वेचा मोठा निर्णय, मध्य आणि हार्बर मार्गावर होणार फायदा!

मुख्य मार्गावर फेऱ्या वाढविण्यासाठी काही मेल आणि एक्स्प्रेस गाड्या लोकमान्य टिळक टर्मिनसकडे वळवण्यात येणार आहेत, ज्यामुळे लोकल सेवेत सुधारणा होईल आणि प्रवाशांसाठी सोयीसुविधा वाढवता येईल. याशिवाय 15 डब्यांच्या लोकल गाड्या चालवण्यासाठी मुंबईतील तब्बल 34 स्थानकांच्या प्लॅटफॉर्मची लांबी वाढविण्याचे काम सुरु आहे. त्यापैकी 27 स्थानकांची लांबी डिसेंबर अखेरपर्यंत पूर्ण करण्यात येईल. यामुळे 12 डब्यांच्या सुमारे 10 लोकल गाड्या आता 15 डब्यांमध्ये रूपांतरित केल्या जाणार आहेत.

सध्या मध्य रेल्वेवर 1810 तर पश्चिम रेल्वेवर 1406 फेऱ्या चालवल्या जात आहेत.पण आता नव्या सुधारित वेळापत्रकासह आणि अतिरिक्त फेऱ्या सुरू झाल्यामुळे प्रवाशांना गर्दी कमी होऊन प्रवास अधिक आरामदायी, जलद आणि सुरक्षित प्रवासाचा अनुभव मिळणार आहे.