मध्य रेल्वेवर 11 दिवस खोळंबा! डेक्कन, कोयनासह 15 मेल-एक्स्प्रेस उशिरा धावणार, पाहा वेळापत्रक

मुंबई: लोणावळा रेल्वे स्थानकातील यार्डचे आधुनिकीकरण व मार्गिकांच्या विस्तारासाठी मध्य रेल्वेकडून 11 दिवसांचा विशेष ब्लॉक जाहीर करण्यात आला आहे. बुधवार, 26 नोव्हेंबरपासून 6 डिसेंबरपर्यंत लागू असलेला हा ब्लॉक डाउन मार्गावरील महत्त्वाच्या सिग्नल व रुळांवरील कामांसाठी अत्यावश्यक असल्याचे रेल्वेने स्पष्ट केले आहे. दररोज सकाळी 11.25 ते सायंकाळी 6.26 या वेळेत रुळांशी संबंधित विविध तांत्रिक कामे केली जाणार असल्याने लोणावळा, कर्जत आणि भिवपुरी रोड स्टेशनांदरम्यान गाड्यांची नियमित ये-जा बाधित होणार आहे.