Trending:

Abhishek Ghosalkar : अटक झालेल्याचा सूड की राजकीय वैर; मॉरिस आणि अभिषेक यांच्यात नेमका कोणता वाद?

Published by:Suraj Yadav

Last Updated:February 09, 2024 11:33 AM IST

जुना वाद आणि आपल्याला गुन्ह्यात गोवल्याच्या रागातून मॉरिसने अभिषेक घोसाळकर यांच्यावर गोळ्या झाडल्या. यात अभिषेक घोसाळकर यांचा जागीच मृत्यू झाला.

इम्पॅक्ट शॉटतुमचा गेटवे लेटेस्ट न्यूज

मुंबई : मॉरिस नरोनाने ठाकरे गटाचे माजी नगरसेवक अभिषेक घोसाळकर यांची फेसबुक लाइव्हदरम्यानच गोळ्या झाडून हत्या केली. अभिषेक यांच्यावर चार गोळ्या झाडण्यात आल्या होत्या. जुना वाद आणि आपल्याला गुन्ह्यात गोवल्याच्या रागातून मॉरिसने अभिषेक घोसाळकर यांच्यावर गोळ्या झाडल्या. त्याआधी अभिषेक घोसाळकर यांना एका कार्यक्रमातून स्वत:च्या कार्यालयात बोलण्यासाठी घेऊन गेले होते. तिथे फेसबुक लाइव्ह करू आणि आपण यापुढे एकत्र काम करणार असल्याचे सांगू असं सांगितलं होतं. फेसबुक लाइव्ह सुरू असतानाच मॉरिस नरोनाने अभिषेक यांच्यावर गोळ्या झाडल्या आणि यात गंभीर जखमी झालेल्या अभिषेक यांचा रुग्णालयात जाण्याआधीच मृत्यू झाला.

अभिषेक आणि मॉरिस यांच्यात राजकीय वैर होतं. मॉरिस राजकारणात येण्यासाठी धडपडत होता. त्यातूनच अभिषेक घोसाळकर यांच्याशी सतत वादही व्हायचे. मॉरिस नेहमी फेसबुक लाइव्ह करायचा आणि यात तो घोसाळकर यांना डिवचायचा. लाइव्हमध्ये अनेकदा घोसाळकर यांचे नावही घ्यायचा. एक वर्षापूर्वी मॉरिसला एका प्रकरणात अटक झाली होती आणि तो तुरुंगात होता. त्याची जामिनावर सुटका झाली होती.

Abhishek Ghosalkar : मॉरिसने झाडल्या चार गोळ्या, अभिषेक यांना छातीत अन्...; गोळीबाराबद्दल समोर आली मोठी माहिती

मॉरिसने एका व्यक्तीला पैसे दिले होते. ते पैसे परत मिळाले नाही तेव्हा मॉरिसने त्याच्या पत्नीला त्रास द्यायला सुरुवात केली. या प्रकरणात महिलेने अभिषेक यांची मदत घेत मॉरिसविरोधात तक्रार दिली होती. मॉरिस परदेशातून भारतात परतताच त्याला विमानतळावरून बलात्कार प्रकरणी अटक झाली होती. या प्रकरणी तो तुरुंगात होता. आपल्याला अटक करण्यासाठी अभिषेक घोसाळकरांनी दबाव टाकल्याचा समज मॉरिसला होता. त्यातूनच दोघांमध्ये टोकाचे वैर निर्माण झाल्याचा संशय पोलिसांना आहे.

आयसी कॉलनीमध्ये सध्या प्रभाग एकमध्ये अभिषेक घोसाळकर यांची पत्नी नगरसेवक आहेत. यावेळी मॉरिस निवडणूक लढण्यासाठी इच्छुक होता. याच राजकारणाच्या वादातून दोघांमध्ये तणाव निर्माण झाला होता. याशिवाय अभिषेकने आपल्याला गुन्ह्यात गोवल्याचं मॉरिसला वाटत असे. या रागातूनच अभिषेक घोसाळकर यांना संपवण्यासाठी मॉरिसने कट रचला असण्याची शक्यता व्यक्त केली जातेय.

view comments