IPS Sudhakar Pathare : मुंबई पोलिसांनी हिरा गमावला, भीषण अपघातात DCP सुधाकर पठारेंचा मृत्यू

मुंबई : आयपीएस अधिकारी आणि मुंबई पोलीस दलातील डीसीपी सुधाकर पठारे यांचं रस्ते अपघातामध्ये निधन झालं आहे. तेलंगणातील श्रीशैलम येथून पठारे नागरकुरलूकडे जात होते, तेव्हा त्यांच्या कारचा अपघात झाला, या अपघातामध्ये सुधाकर पठारे यांचा जागीच मृत्यू झाला. सुधाकर पठारे ज्या कारमधून प्रवास करत होते, ती बसला जाऊन धडकल्यामुळे हा अपघात झाला आहे. सुधाकर पठारे हे 2011 च्या बॅचचे आयपीएस अधिकारी होते. सुधाकर पठारे यांच्या अपघाती निधनामुळे महाराष्ट्र पोलीस दलामध्ये शोककळा पसरली आहे.