Mumbai : बापरे बाप! खरंच मुंबईच्या फिनिक्स मॉलमध्ये घुसला बिबट्या? VIRAL VIDEO फेक की रिअल? Fact Check

व्हिडिओ इतका खऱ्या सारखा वाटत होता की पाहणाऱ्यांना तो खरा असल्याचा भास झाला. या व्हिडिओमध्ये बिबट्याची हालचाल, सावली, चालण्याचा आवाज अगदी वास्तविक वाटत होता. व्हिडिओमध्ये बिबट्या मॉलच्या गल्लीमधून आणि भिंतीजवळून फिरताना दिसतो. लोक त्याला पाहून आश्चर्यचकित झाले आणि काही वेळाने घाबरले. सोशल मीडियावर व्हिडिओ व्हायरल झाल्यानंतर लोकांनी लगेच आपापल्या प्रतिक्रिया दिल्या. काहींनी हसत म्हटले, “असं वाटतंय की बिबट्या दिवाळी खरेदीसाठी मॉलमध्ये आला आहे!” तर काहींना सुरक्षा कशी असेल याची चिंता वाटली.https://www.instagram.com/reel/DP1K2EQjJqm/?utm_source=ig_embed&ig_rid=776d0ecc-09d0-4903-b221-348ed110d798

तरीही काही तासांतच लोकांना कळाले की हा व्हिडिओ खोटा आहे. फक्त संगणकाने तयार केलेला आहे. तज्ज्ञांच्या मते, असे व्हिडिओ लोकांना घाबरवण्यासाठी किंवा व्हायरल होण्यासाठी बनवले जातात. फिनिक्स मॉलच्या अधिकाऱ्यांनीही स्पष्ट केले की मॉलमध्ये कुठलाही बिबट्या दिसला नाही आणि हा व्हिडिओ खोटा आहे.

मुंबईतील हा प्रकार नाशिकसारख्या इतर शहरांमध्येही घडला होता. तिथे काही दिवसांपूर्वी बिबट्याचे फोटो आणि व्हिडिओ व्हायरल झाले होते. फॅक्ट चेक केल्यावर समोर आले की ते सगळे खोटे होते. काही व्हिडिओ पूर्णपणे बनावट होते तर काही AI तंत्रज्ञानाने तयार केलेले होते. लोकांनी अशा व्हिडिओंवर लगेच विश्वास ठेवू नये. हे फक्त मनोरंजनासाठी तयार केलेले असतात त्यामुळे घाबरायची गरज नाही