या दिवशी निघणार म्हाडाच्या घरांची लॉटरी, पण विजेत्यांना घरासाठी करावी लागणार प्रतिक्षा, कारण काय?

स्वप्नाचे शहर म्हणून ओळखल्या जाणाऱ्या मुंबईमध्ये स्वत:च्या हक्काच्या घरासाठी प्रत्येक मुंबईकर दिवस रात्र मेहनत घेत असतात. मुंबईमध्ये जास्तीत जास्त नागरिकांना घर मिळावे, याकरिता महाराष्ट्र गृहनिर्माण क्षेत्र विकास प्राधिकरण म्हणजेच म्हाडाच्या वतीने मुंबई शहर आणि उपनगरातील नागरिकांना कमी दरात घर उपलब्ध करण्यात येतात. यंदा 8 ऑक्टोबरला म्हाडाच्या घरांची लकी ड्रॉ काढण्याची प्रक्रिया होणार आहे. या प्रक्रियेअंतर्गत लकी ड्रॉ काढण्यात येणार असून विजेत्यांच्या नावाची यादी जाहीर करण्यात येईल.

यंदा विजेत्यांचा जरी लकी ड्रॉ मध्ये नंबर आला आणि लॉटरी लागली तरी घराचा ताबा मिळवण्यासाठी प्रतीक्षा करावी लागेल. तसेच काही घरांना ऑक्युपेशन सर्टिफिकेट लाभलेले नसल्याने घरांचा ताबा मिळवण्यास अडचण येणार आहे.