रस्त्यात स्कुटी अडवून परप्रांतीय फेरिवाल्यांकडून महिलेला मारहाण, मुंबईतील संतापजनक घटना

या फेरीवाल्यांनी सोसायटीच्या बाहेर स्टॉल लावले होते. हे स्टॉल अनधिकृत होते. याबद्दल मुंबई पालिकेमध्ये तक्रार दाखल करण्यात आली होती. पालिकेनं या तक्रारीची दखल घेऊन अनधिकृत स्टॉल हटवले होते. पण पुन्हा ही लोक इथं स्टॉल लावत होते. शुक्रवारी संध्याकाळी पीडित महिला स्कुटीवरून येत होती. त्यावेळी अरविंद नावाचा हा फेरिवाला आणि त्याचे ४ साथीदार तिथे आले आणि भर रस्त्यावर अडवलं. त्यानंतर या चारही जणांनी रस्त्यावर कपडे फाटेपर्यंत मारहाण केली, अशी माहिती सोसायटीतील रहिवाशांनी दिली.