देवेंद्र फडणवीस यांच्याविरोधात मनसेचा उमेदवार ठरला, अमरावतीच्या बैठकीत शिक्कामोर्तब!

याच बैठकीत विदर्भातील नागपूर येथील मनसेच्या पहिल्या उमेदवारीवर शिक्कामोर्तब करण्यात आले आहे. उपमुख्यमंत्री तथा राज्य भाजपचे शीर्षर्थ नेते देवेंद्र फडणवीस यांच्या विरोधात उमेदवार देण्याचा राज ठाकरे यांनी निर्णय घेतला आहे. देवेंद्र फडणवीस यांच्याशी दोन हात करण्यासाठी मनसे नेते तुषार गिरे यांच्या नावावर पक्षातील नेत्यांचे एकमत झाल्याची माहिती आहे. येत्या काही दिवसांतच तुषार गिरे यांच्या नावाची घोषणा करण्यात येणार येईल, अशी माहिती सूत्रांनी दिली आहे.

नागपूर विभागाचा व नागपूर विभागातील सहाही जिल्ह्यांचा आढावा शनिवारी राज ठाकरे यांनी घेतला. लोकसभा निवडणुकीत भाजपला पाठिंबा देणारे राज ठाकरे विधानसभेत मात्र वेगळे लढत असल्याने भाजपला काही जागांवर फटका बसणार आहे. हिंदुत्ववादी मतांची विभागणी होणार असल्याने शिवसेना आणि भाजपलाही काही प्रमाणात फटका बसण्याचा अंदाज व्यक्त केला जात आहे.