मुंबईवर दहशतवादी हल्ल्याचं सावट! ISI कडून घातपाताचा कट; स्फोटकांसह हल्ल्याच्या शक्येतेने हाय अलर्ट

मुंबई: मुंबईकरांसाठी महत्त्वाची आणि मोठी बातमी आहे. देशाची आर्थिक राजधानी मुंबईवर पुन्हा दहशतवादी हल्ल्याचे सावट असल्याने संपूर्ण शहरात 'हाय अलर्ट' जारी करण्यात आला. मुंबई हे कायम दहशतवाद्यांच्या टार्गेटवर राहिलेलं आहे. याही वेळी पुन्हा एकदा हायअलर्ट देण्यात आला आहे. आयएसआय (ISI) समर्थित दहशतवादी काश्मीर किंवा खुद्द महाराष्ट्रातूनच स्फोटकांसह हल्ला करण्याची शक्यता एका निनावी पत्रामुळे वर्तवण्यात आली आहे. या पार्श्वभूमीवर मुंबई पोलीस, एटीएस आणि सर्व केंद्रीय सुरक्षा यंत्रणांना अत्यंत सतर्क राहण्याचे आदेश दिले आहेत.