Mumbai Local: मुंबईकरांनो लक्ष द्या! नोव्हेंबरच्या पहिल्याच रविवारी खोळंबा, तिन्ही मार्गांवर मेगाब्लॉक, या लोकल रद्द

मुंबई: नोव्हेंबर महिना नुकताच सुरू झाला आहे आणि या महिन्याचा पहिलाच रविवार मुंबईकरांसाठी थोडा अडचणीचा ठरणार आहे. कारण उद्या म्हणजेच रविवारी (2 नोव्हेंबर) मध्य रेल्वे, हार्बर मार्ग आणि पश्चिम रेल्वे या तिन्ही मार्गांवर अभियांत्रिकी आणि देखभाल दुरुस्तीची कामे पार पाडण्यासाठी मेगाब्लॉक घेण्यात येणार आहे. त्यामुळे मुंबईकरांना लोकलचं वेळापत्रक पाहूनच सुट्टीचं नियोजन करावं लागेल.